Debre Selam Medhanealem Ethiopian Orthodox Tewahedo Church
in Edmonton

ብፁዕ ወቅዱስ አቡነ ማቲያስ ቀዳማዊ ፓትርያርክ ርዕስ ሊቃነ ጳጳሳት ዘኢትዮጵያ፣ ሊቀ ጳጳስ ዘአክሱም ወዕጨጌ ዘመንበረ ተክለኃይማኖት፤ በአገር ውስጥና በውጭ አገራት ለሚገኙ የቅዱስ ሲኖዶስ አባላት ባደረጉት አስቸኳይ ጥሪ መሰረት፤ ብፁዕ አቡነ አብረሃም የምዕራብ ካናዳና አካባቢው ሀገረ ስብከት ሊቀ ጳጳስ፤ በትናትናው ዕለት ጥር 15 ቀን 2015 ዓ/ም (January 23, 2023) በቅዱስ ሲኖዶስ አስቸኳይ ምልዓተ ጉባኤ ላይ ለመሳተፍ፤ ወደ ኢትዮጵያ የበረራ ጉዞ አድርገዋል። ሆኖም ጥር 14 ቀን 2015 ዓ/ም (January 22, 2023) ሦሥት ሊቃነ ጳጳሳት፤ የኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ የማያውቀውን ድብቅ ስብሰባ በማካሄድ፤ ከቀኖና ቤተክርስቲያንና አስተዳደራዊ መርህ ውጪ የፈፀሙት ድርጊት፤ በሀገረ ስብከታችን የሚገኙ ካህናትንና ህዝበ ክርስቲያኑን በእጅጉ አሳዝኗል። ይህንኑ አስመልክቶ በኢትዮጵያ ኦርቶዶክስ ተዋህዶ ቤተክርስቲያን የምዕራብ ካናዳና አካባቢው ሀገረ ስብከት፤ ለቅዱስ ሲኖዶስ ድጋፉን ገልጿል። ጋዜጣዊ መግለጫውንም ከዚህ በታች ይመልከቱ።